Terapia nerabeekin
16 urtetik gorako nerabeentzako zerbitzua
“Mundua ez da helduok ikusten dugun bezalakoa, haiek sentitzen duten bezalakoa baizik”
Nerabezaroa Dragon Khan-a bezalakoa izan daiteke. Gira eta bira bakoitzak emozio-koktel bat sortzen dizu, kudeatzeko erraza ez dena.
Batzuetan, bertigo handia senti dezakezu, segurtasun falta, baita angustia ere.
Hemen askatasunez adierazteko eta epaiketarik gabe nor zaren ulertzeko espazio seguru bat arkituko duzu.
Ondoeza sortzen dizuten egoerak ulertzeko elkarrekin lan egingo dugu. Hala nola, antsietatea, harremanetan presioa, familia-harreman korapilatsuak, estresa ikasketetan edo une honetan ondo sentiarazten ez zaituen beste edozein egoera.
Nerabearen ama edo aita bazara, baliteke kezkatuta egotea. Jada bera ez duzula ezagutzen eta bera laguntzeko tresnak falta zaizkizula senti dezakezu. Saioetan, bere autonomiaren eta berrespenaren beharra ulertzeko lan egingo dugu. Zuen arteko harremana eta komunikazioa hobetzeko estrategiak bilatuko ditugu, etapa honetan bera lagun dezakezula senti dezazun.
Hauek dira landu ditzakegun egoera batzuk:
- Gehiegizko antsietatea, suminkortasuna eta tristura.
- Estresa hobeto kudeatzeko estrategiak.
- Neurriz kanpoko beldurrak.
- Ondoeza sortzen dizun gehiegizko segurtasun falta.
- Zailtasunak familia eta/edo lagunen arteko harremanetan.
- Zure nortasuna (nor zaren) eta helburuak (zer nahi duzun) ezagutzeko laguntza.
- Zure gorputzarekiko asegabetasun-sentimenduak, zure irudiarekiko konparazioak, elikadurarekiko etengabeko kezka eta/edo janariarekiko deskontrol-sentsazioak.
- Haserre- eta frustrazio-leherketak.
- Jokabide-arazoak: berdinekiko eta/edo helduekiko jokabide oldarkorra, mugen eta arauen aurrean etengabeko erronka, substantzien kontsumoa.
Jarri nirekin harremanetan
Datuen babesari buruzko informazioa Izaskun Etxabe Izagirre.
- Helburuak: Zure eskaerei erantzutea eta gure produktu eta zerbitzuei buruzko informazio komertziala bidaltzea, baita posta elektronikoz ere.
- Legitimazioa: Interesdunaren adostasuna.
- Hartzaileak: Ez dago aurreikusita datuak lagatzea.
- Eskubideak: Zure baimena edozein unetan ken dezakezu, baita zure datuak eta gainerako eskubideak sartu, zuzendu edo ezabatu ere i.etxabe@cop.es helbidean.
- Informazio gehigarria: Informazio gehiago jaso dezakezu Lege Oharren estekan.
