Izaskun naiz, psikologoa (GZ01946 kolegiazio-zenbakia) eta osasun-psikologia gaikuntza dut. 

Psikologia Klinikoa eta Osasunaren Psikologia Masterra, eta Haur eta Gazteen Kognizio eta Jokabide Terapian Unibertsitate Espezialista. 

Eta etengabeko prestakuntzan jarraitzen dut gozatzen dudalako.

Besteak eta harremanak ulertzeko gogoak eta laguntzeko bokazioak, nerabezaroan psikologian aritu nahi nuela argi izatera eraman ninduten. 

Nire aukeraketan asmatu nuela uste dut. Hau da ondoen egiten dakidan lana, eta, gainera, gehien gozatzen dudana da. 

Behatzailea, gertukoa eta entzule ona naizela uste dut, bai kontsultatik kanpo bai eta kontsultaren barruan, eta, segur aski, horrek nire lanbidean laguntzen dit.

2007tik, nire ibilbide profesionalak hainbat etapa izan ditu jada, eta hauek guztiek osasun- eta hezkuntza-arloan espezializatzen lagundu didate. 

Gaitasun sozioemozionalak garatzeko proiektuetan lan egin dut, adikzioen esparruan, diziplina anitzeko osasun-zentroetan helduei eta familiei arreta psikologikoa eskainiz, eta orientazioko eta hezkuntza-psikologiako taldeetan.

Ibilbide horrek, terapia entzuteko, laguntzeko eta epaiketarik gabe onartzeko espazio gisa ulertzera eraman nau. 

Elkarrekin, ondoeza eragiten dizuten sentsazioak, emozioak eta pentsamenduak berrikusiko ditugu eta zer testuingurutan gertatzen diren ulertuko dugu.

Halaber, zuretzat garrantzitsua dena identifikatzeko, zure norabidea bilatzeko eta aldaketak egiten hasteko gunea izango da.